Tee-ramisu

Lewer 4-6 porsies.

Die Kaapse sjef Morné Botha sit ’n rooibos-kinkel in dié gewilde Italiaanse nagereg.

Jy het nodig

125 ml sterk rooibos

60 ml brandewyn (opsioneel – vermeerder die rooibos as brandewyn nie gebruik word nie)

15 ml heuning

1 pakkie (125 g) sponskoekvinger­beskuitjies

3 groot eiers, geskei

35 g (30 ml) strooisuiker

250 g mascarponekaas

45 ml gebreekte amandelpralien of grondboontjiebroslekkers (peanut brittle)

Só maak ’n mens

1. Meng die rooibos, brandewyn of ekstra rooibos en heuning in ’n klein vlak bak.

2. Doop die vingerbeskuitjies in die vloeistof en rangskik dit onder in ’n vlak bak om die boom te bedek. Giet die helfte van die orige vloeistof waarin die beskuitjies gedoop is oor die vingerbeskuitjies in die bak.

3. Room die eiergele en suiker saam tot dik en lig van kleur. Voeg die mascarponekaas by en meng tot glad.

4. Klits die eierwitte tot stywe punte vorm en vou dit in die mascarponemengsel.

5. Skep die helfte van die mengsel oor die beskuitjies in die bak. Pak die res van die gedoopte beskuitjies bo-op en giet die res van die Rooibos-en-heuningmengsel oor die beskuitjies.

6. Skep die res van die mascarponemengsel oor die beskuitjies en sprinkel die pralien bo-oor.

7. Plaas ten minste vier ure lank of tot styf in die yskas.

Foto: Danie Nel Photography

Resep uit die kookboek 'n Tikkie Rooibos.

#tiramisu #rooibos #tea #mascarpone