Varkpens, appelslaai en aartappelskyfies

Genoeg vir vier

Jy het nodig:

Vir die varklies:

1 kg varkpens (pork belly)

1 ui, grofgekap

2 knoffelhuisies, gekneus

1 stokkie sitroenkruid, gekneus

4 kardamompeule

1 steranys

1 liter aftreksel

2e suiker

Vir die appelslaai:

150g kool

2 wortels

2 pienk appels

125ml ongegeurde jogurt

100ml mayonnaise

80ml suurroom

15ml korrelmosterd

die fyngerasperde skil van ½ suurlemoen

Vir die aartappelskyfies:

2 aartappels

1,5liter olie

5ml sout

3ml vars tiemieblare

kombuispapier, vir dreineer

Só maak ’n mens:

1. Voorverhit die oond tot 230°C.

2. Dit is belangrik om die varkvel voor te berei sodat dit lekker bros kan bak en jy smullekker cracklinghet. Maak seker die vel is skoon en maak dit goed droog met kombuispapier.

Sny netjiese kepe met ’n skerp mes in die vel. Maak seker dat jy nie te diep sny tot in die vleis nie.

3. Sit die varkpens in ’n diep, oondvaste bak. Maak die vel vir oulaas droog met kombuispapier en vryf dan ’n redelike groot hoeveelheid sout oor die vel. Sit die bak in die oond vir 25 minute of totdat die vel op- pof en diecracklingbegin vorm.

4. Verwyder uit die oond en voeg die uie, knoffel, sitroenkruid, kardemom, steranys en suiker by (sit dit net in die bak, nie op die vark nie). Vul die bak met aftreksel tot net onder waar diecracklingbegin. Bedek die bak met foelie en verlaag die oondtemperatuur na 140°C.

Sit die bak terug in die oond en bak 2-3 uur of totdat die varkvleis lekker sag is.

5. Om die slaai te maak sny die wortel en kool so fyn moontlik en plaas in ’n groot slaaibak.

Sny die appel in vuurhoutjiegrootte-stukkies en voeg dit by die kool en die wortel.

6. Meng die res van die bestanddele in ’n klein bak tot glad. Voeg dit by die bestanddele in die groot slaaibak en roer liggies saam totdat die sous al die wortel, kool en appel bedek. Bedek die bak met kleefplastiek en bêre in die yskas totdat jy gereed is om die gereg voor te sit.

7. Om die skyfies voor te berei sit die sout en tiemie in ’n stamper en gebruik ’n vysel om dit saam fyn te maal.

8. Verhit die olie in ’n klein kastrol tot warm. Onthou om nooit ’n kastrol meer as twee derdes vol te maak met olie nie, anders kan dit oorkook wanneer jy die aartappelskyfies byvoeg.

9. Sny die aartappels in skyfies, so dun moontlik, en maak deeglik droog met kombuispapier. Sit dit versigtig in die warm olie en braai tot bruin en bros. Skep uit met ’n gaatjies- lepel en sit dit op nog kombuispapier om te dreineer. Terwyl dit nog vuurwarm is, sprinkel van die tiemiesout oor.

10. Sit die slaai, varkpens en skyfies saam voor en geniet!

#porkbelly #potato #salad #slaai #chips