Wortel-en-koljanderblatjang

Jy het nodig:

15 ml olyfolie

1 wit ui

2 swart knoffelhuisies

3 ml garam masala

15 ml koljandersaad

1 kg wortels

2 ml sout

2 ml varsgemaalde swartpeper

200 ml appelsider-asyn

200 ml strooisuiker

10 g vars koljanderblare

Só maak ’n mens:

1. Kap die knoffel en uie saam fyn.

2. Verhit die olyfolie in ’n middelgroot pan en braai die uie, knoffel, garam masala en koljandersaad oor lae hitte sowat 5 minute lank totdat die mengsel geurig is en die uie deurskynend.

3. Skil en sny die wortels in klein blokkies (of enige ander vorm wat jy verkies) terwyl die uie braai. Voeg dan die wortels by die bestanddele in die pan saam met die sout en peper en roer. Braai oor matige hitte vir 5 minute. Roer gereeld sodat die mengsel eweredig kan braai.

4. Voeg die suiker en asyn by en prut totdat die meeste van die vloeistof weggekook het en die mengsel begin karamelliseer (sowat 5 minute oor matige hitte). Jy wil ’n pragtige, klewerige mengsel hê.

5. Kap die koljanderblare fyn en roer dit by die mengsel net voordat jy dit bottel sodat die varsheid en kleur van die kruie behoue bly.

6. Nou is dit tyd om die blatjang te bottel. Gebruik skoon glasflesse, met metaaldeksels, om jou blatjang veilig te stoor. Eers moet jy die flesse en deksels steriliseer – plaas dit in ’n oond wat voorverhit is tot 80 °C en los vir 15 minute. Verwyder dan die vuurwarm flesse en deksels versigtig en skep die warm blatjang daarin – jy moet hoor hoe die fles sis! Draai onmiddellik die fles styf toe en laat afkoel tot kamertemperatuur voordat jy dit in die yskas bêre.

Foto: Seline van der Wat

#carrot #coriander #chutney