Klassieke Spinasiesop

Genoeg vir 4

Jy het nodig:

. 6 groot spinasieblare

. 2 salotte, gekap

. 3 eetlepels olyfolie

. 2 huisies knoffel, gekap

. 250 ml hoenderaftreksel

. 250 ml karringmelk

. ’n skraapsel neutmuskaat

. sout en peper na smaak

. 5 eetlepels gekapte pietersielie

So maak mens:

Kook skoon spinasie af in ’n groot pot en kap fyn of gebruik verpakte spinasie. Braai salotte in olyfolie in ’n groot pot. Voeg gekapte vars knoffel vir 3 minute by en giet dan al die hoenderaftreksel oor. Voeg gekapte spinasie by, ook karringmelk. Roer en proe vir sout en peper. Voeg pietersielie by. Bedien warm of koud.

#spinach #soup #sop #buttermilk #nutmeg #parsley