Maak jou eie béarnaise-sous

Béarnaise is ’n warm, romerige sous ideaal vir gebraaide vleis. Dit is ’n kuns om dié sous te maak, maar beslis die moeite werd. .100g eiergele .360ml gesmelte botter .80ml witwyn .180g fyngekapte salotte .5 swartpeperkorrels .40ml water .10ml suurlemoensap .1g sout .3g dragon (tarragon) Lewer sowat 500ml Doen dit só: Kook die witwyn, peperkorrels, 2g dragon en salotte oor matige hitte totdat dit byna droog is. Koel af en maak die aftreksel klam met ’n klein bietjie water. Gooi die water af in ’n vlekvryestaalbak. Voeg die eiergele by die mengsel en sit die bak bo-oor water wat liggies prut. Klits met ’n ballonklitser tot dik en warm. Die mengsel is gereed wanneer dit in volume verdriedubbel het. Verwyder die bak van die hitte. Voeg die botter stadig by en roer deurgaans. Die sous sal verdik terwyl die botter begin insmelt. As die sous te dik raak, kan jy ’n bietjie water of suurlemoensap bygooi. Voeg suurlemoensap en sout na smaak by. Voeg die res van die fyngekapte dragon by. Foto: Nicolene Olckers

#bearnaise #sauce