Naomi le Roux se KARRINGMELK / MAAS - ANYSBESKUIT Mooiplaatsie Promosie

Die oorspronklike Karringmelkbeskuit het ek van my dogter Wilma Perold in die Strand gekry.

Ek het die Volroom Maas daarin gesit en ook die gebreekte anyssaad. (Pick n Pay)

Die 1 kg volroom maas is net genoeg vir die resep. (Naomi)

Bestanddele:

2 kg bruismeel

2 koppies suiker (ek sit 2½ k suiker in. Naomi)

2 t bakpoeier

500 gr Stork bake margarine, gesmelt

2 x 500 ml karringmelk (1 kg Volroom Maas)

4 eiers

2 t Sout, gelyk

1 pakkie fyn anyssaad (opsioneel)

(Ek sit dit by, dis baie lekker. Naomi)

Metode

Meng droë bestanddele apart. Smelt botter en meng. Gooi karringmelk laaste by en maak aan.

Dis ‘n slapperige deeg. Druk plat in pan en sny in blokke.

Bak by 180°C tot ligbruin en gaar.

Droog oornag @ 70°C OF 4 ure by 100°C.

Bak 30 minute op 170°C in Waaieroond op die rak bokant die middel.

Defy Kitchenare 620 op rak bokant middelste oondrak 25 minute. (My oond. Naomi)

Wenk: As jy nie karringmelk het nie… neem 500 ml volroommelk en sit 40 ml wit spirits asyn daarby. Laat staan dit vir 10 minute en gebruik.

Ek gebruik 2 tuisgemaakte oondpanne en maak dit 3 maal vol deeg...maar druk dit eers met die beskuitdrukker voordat ek dit bak.

Daar is 32 beskuite in elke pan. Ek laat dit bietjie in die pan afkoel en dan sny ek die beskuite los van mekaar.

Ek sit bietjie olie aan my hande om die deeg in die panne te druk. Moenie panne te vol maak nie anders rys dit te hoog en loop oor pan se rand. Hoeveelheid is ± 15 liter beskuite.

Mooiplaatsie Promosie

#mooiplaatsie #beskuit #buttermilk #maas #anise