Jaco Steyn se SOP Mooiplaatsie Promosie

So vanaand het my ma, suster en haar 2 kids vir ons kom kuier, my broer se seun word more 10.

Wat maak ek te ete vir hulle, my suster kan nie uie, knoffel of enige geblikte produkte eet nie. Haar seuntjie is so siek soos nog iets. Antwoord - SOP!

Bestanddele:

1kg Beesskenkel

5 groot aartappels

1 groot raap

4 groot wortels

250g sampioene

5e mielieblom

5e Bravo-souspoeier

1 koppie melk

sout, peper en speserye na smaak

Metode:

Kerf al die groente saam in voedselverwerker, gooi in pot en skakel dit aan. Sny die vleis in repies en braai dit in bietjie olie, sny die murg in die groente in (lekker fyn, sodat die geur goed kan deurkook)

Sodra die vleis liggies bruin gebraai is, gooi dit by die groente, gooi sout en speserye in na smaak, laat dit prut vir so 2 ure. Hou watervlak dop en roer nou en dan.

So uur voor etenstyd maak ek die mielieblom- en bravo-poeier aan met koue melk en gooi dit by die mengsel. Roer dit gereeld, proe nou of die smaak reg is (sout genoeg ens.)

Dien op met brood en botter - en gee vir Tim Noakes 'n driedubbele hartaanval met al die stysel in die resep!

Mooiplaatsie Promosie

#sop #soup #mooiplaatsie