Toffie-appels

Maak: 8

Bereidingstyd: 10 minute

Gaarmaaktyd: omtrent 30 minute

• 8 klein tot middelslag- rooi appels

• 470 ml (400 g) suiker

• 10 ml asyn

• 75 ml gouestroop

• 25 ml botter

• rooi koskleursel

1 Was die appels, droog dit af en druk ’n stokkie by elkeen se steeltjiekant in.

2 Verhit al die ander bestanddele saam. Voeg 125 ml water by en roer tot die suiker opgelos het. Vee kristalle teen die kastrol se kant met ’n klam deegkwassie af.

3 Verhit tot kookpunt en laat prut tot 138 ˚C op ’n suikertermometer, of tot ’n bietjie van die mengsel wat in ’n bakkie met koue water gedrup is, ’n harde, bros balletjie vorm. Haal van die plaat af en sit die kastrol in ’n wasbak met koue water om die kookproses stop te sit. Sit dan die kastrol op ’n werkoppervlak langs die appels neer.

4 Doop elke appel in die toffie en bedek goed. Pak die toffie-appels op ’n skinkbord wat met waspapier gevoer is. Wanneer die toffie hard is, draai die toffie-appels in sellofaanpapier toe en knoop ’n kleurvolle lint daarom vas.

#toffee #apple #bazaar