GESTOOFDE BEESSTERT

1 beesstert (omtrent 1½ kg)

4 peperkorrels

1 klein ui, in skywe gesny

1½ e meelblom

1 wortel, in skywe gesny

1 e botter

½ raap, indien verkies

Sout en peper na smaak

4 kruienaeltjies

1 lourierblaar

1. Sny die stert in die litte af en was deeglik.

2. Sit die vleis in ʼn swaar kastrol, voeg die speserye en 1 tot 2 k kokende water by.

3. Laat dit 3 tot 4 uur lank stadig stowe, vul die vloeistof met kook-water aan indien

nodig en voeg die groente, sout en peper by na dit 2 uur lank gestowe het.

4. Verwyder die speserye en skep die vet sover moontlik af.

5. Smelt die botter in ʼn pan, voeg die meelblom by en laat dit bruin braai. Voeg dit

by die vleissous en vleis in die kastrol en roer tot dit dik word. Stowe dit ʼn verdere

15 minute lank.

6. Dien dit op met gekookte ertjies en sneeu-aartappels

L.W. – Die vleis kan 1 uur lank onder hoë druk in ʼn stoom-drukkoker gestowe word.

Gebruik dan 1 k water in plaas van 2 k.

#beef #oxtail