Heerlike Koeksister Resep
- Antjie
- Jul 4, 2015
- 1 min read
'n Heerlike en Baie Lekker Koeksister Resep!
Lewer 12 dosyn Koeksisters
Bestanddele
Koeksisters
- 8 kop koekmeel (hoogvol)
- 3 eetl Rama margarien
- 6 teel bakpoeier
- 4 eiers
- 4 kop kraanwater
- 1 teel sout
Stroop:
- 16 kop suiker
- 8 kop water
- 1 teel gemmer
- 2 eetl goue stroop
- 2 eetl suurlemoensap
Metode
Stroop: (Maak vorige aand)
Smelt suiker in water en kook daarna vir presies 2 minute
Voeg 1 teel gemmer by en kook nog 6 minute
Voeg 2 eetl goue stroop, mespunt kremetart en 2 eetl suurlemoensap by en kook vinnig op.
Haal af van stoof en verkoel
Koeksisters
Vryf margarien in gesifte meel tot baie fyn krummels gevorm word. (soos growwe mieliemeel)
Voeg sout en bakpoeier by. Klits eiers in water met vurk.
Knie nat met droog BAlE goed, ten minste 20 minute.
Bedek met klam doek en laat staan vir 2 ure.
Moenie weer knie niee. Sny stukke af met skerp mes en rol uit op oliebesmeerde oppervlak en vleg.
Bak in diep warm olie tot goudbruin en dompel dadelik in koue stroop.
Comments