TUNAROL

Rolkoek

60 g botter of margarien (65 ml)

95 g koekmeelblom (170 ml)

knippie sout

500 ml melk

100 g Cheddarkaas (250 ml)

4 eiers, geskei

Vulsel

400 g tuna, gedreineer en gevlok (2 x 200 g-blikkies)

200 g toebroodjiesmeer (sandwich spresd) (200 ml)

100 ml seekosmayonnaise

geurselsout vir vis

125 ml suurroom – opsioneel

swart kaviaar of kaas en garnale vir garnering

Metode:

Rolkoek

1. Smelt die botter of margarien. Roer die koekmeelblom by.

2. Laat dit 2 minute lank prut terwyl dit geroer word. Roer die sout by.

3. Roer die melk geleidelik by.

4. Laat die mengsel prut totdat dit glad en dik is. Roer dit aanhoudend.

5. Haal dit van die plaat af en roer die kaas by.

6. Voeg die eiergele by en vermeng dit goed.

7. Laat die mengsel 10 minute lank staan om af te koel.

8. Klits die eierwitte tot styf maar nie droog nie.

9. Vou die styf geklopte eierwitte by die kaassous in.

10. Voer ʼn rolkoekpan met waspapier uit.

11. Gooi die mengsel uit in die pan en bak dit 40 minute lank in ʼn voorverhitte oond by

180ºC (350ºF).

12. Keer die rol uit op ʼn skoon, klam vadoek.

13. Rol dit op en laat dit effens afkoel.

Vulsel

14. Vermeng die bestanddele vir die vulsel.

15. Rol die rol oop en smeer die vulsel oor die rol. Rol dit weer op.

16. Gooi die suurroom oor die rol en strooi die kaviaar of kaas en garnale bo-oor.

17. Bedien dit louwarm.

PORSIES: 4-6

#tuna #roll