Hoenderlewer Kebabs met Origanum Rys & Soet-suur Mosterdsous

Bestanddele:

Vir die kebabs:

12 hout sosatiestokkies in water geweek vir 30 minute

2 groot aartappels

6 klein uitjies

2 groot wortels

400g hoenderlewers

Vir die marinade:

1 koppie suiker

1/2 koppie wit asyn

3 eetlepels dijon mosterd

1/4 teelepel sout

swartpeper

2 eetlepels knoffelpoeier

1 eetlepel uiepoeier

1/4 teelepel neutmuskaat

1 groot ui vir die sous

Vir die rys:

1 koppie rys

2 teelepels droe origanum

Metode:

Plaas die aartappels en wortels ongeskil in 'n plastiese sak in die mikrogolf vir 10 minute.

Meng al die bestanddele vir die marinade en roer tot die suiker opgelos is.

Maak die hoenderlewers skoon en halveer.

Marineer die hoenderlewers vir 30 minute in die marinade in die yskas.

Sny die wortels in dik ringe.

Halveer die aartappels in die lengte en sny in skywe

Neem 6 klein uie en mikrogolf vir 1 minuut.

Skil die uie en halveer van bo na onder

Ryg die uie, aartappel, wortel en hoenderlewers op die sosatiestokkies

Rooster tot die hoenderlewers gaar is.

Braai een groot ui, in growwe skywe gesny in botter.

Voeg 1 koppie water by die marinade.

Voeg die marinade by die gebraaide ui en prut vir 5 minute.

Kook die rys soos normaalweg, maar voeg 2 teelepls origanum by.

#chickenliver #carrot #potato #onion #mustard #rice #origanum #corneliebenberg