KERRIEVIS

Blaai deur my ou boeke en kom toe op 2 kerrievis resepte af , gaan albei met jul deel , is nou nie vir almal maar ek is gek daaroor en ek weet geblikte kerrievis is al vreeslik duur.

RESEP 1 :

2kg stukke stokvis - vel afgehaal

Sout en vars gemaalde swartpeper

125ml suurlemoensap

125ml koekmeelblom

Olie vir vlakbraai

SOUS :

3 koppies asyn

500ml suiker

5 uie (gekap)

10 droe perskes, opgesnipper

20ml borrie

Eetlepel matige kerriepoeier

10ml sout

5ml swart peperkorrels

3 heel naeltjies

4 lourierblare

75ml mielieblom

Druk die visstukke droog met kombuispapier en geur met sout en peper.

Sprinkel suurlemoensap oor en vryf koekmeelblom op vis.

Verhit olie en diepbraai net ligbruin aan elke kant

Dreineer op kombuispapier.

SOUS:

Plaas sousbestanddele (behalwe mielieblom) in kastrol tot kookpunt bereik is en draai hitte af en sit deksel op laat die sous vir so 15min prut.

Maak mielieblom aan met bietjie water en roer by kerriemengsel en laat dit bietjie verdik.

Pak vis en sous in lae in skoon,warm flesse , en verseel .

RESEP 2 :

4kg vars vis

Sout en peper

Olie vir braai van vis

6 groot uie - ringe gekap

500ml water

1 brandrissie (pitte uitgehaal en in ringetjies gesny)

750ml asyn

125ml suiker

45ml kerriepoeier

Sny vis in stukke en geur met sout en laat dit verkieslik oornag op 'n koel plek staan.

Verhit olie tot warm en vlakbraai vis so 5min aan 'n kant.

Kook uieringe 5 min lank in die water.

Voeg res van die bestanddele by en laat dit so 5min prut terwyl jy liggies met houtlepel roer

Pak lae sous en vis in flesse en verseel .

#curry #fish #erf