CUPCAKE TORINKIE

Bak cupcakes met:

1 k koekmeel

1 k strooisuiker

Half koppie olie

Half koppie water

2 t bakpoeier

4 groot eiers geskei

3 e kakao

Kwart teelepel sout

1 t vanilla

Sif die droe bestanddele saam (ek hou my droe bestanddele altyd klaar afgemeet in ‘n ziplock sakkie in die vrieskas (iets soos my eie bokskoek he he he)

Klits die olie, eiergeel en water saam tot skuimerig.

Voeg die vanilla by.

Voeg die droe bestanddele by en klits vir ten minste 4 minute.

Klits die eierwit styf en roer by die mengsel

Bak die cupcakes in die cupcake maker of in die oond in silikon bakkies, want jy gaan die cupcakes uit die bakkies verwyder.

Maak ‘n basiese sjokolade versiersel:

4 eetlepels kakao

50ml kookwater

1 teelepel vanilla

400g versiersuiker

2 eetlepels botter / margarien

Meng die kakao met die kookwater om ‘n dik pasta te maak. (moenie nou proe nie, dis sleg!! )

Meng die botter / margarien deur die mengsel

Meng die versiersuiker baie deeglik deur die mengsel.

Neem 2 cup cakes en plak dit opmekaar vas met versiersuiker.

Smeer versiersuiker rondom die 2 cup cakes

Plak kit kat stafies rondom vas

Gooi aarbeiroom in die holte bo en versier met maltesers

BRON- Corne Liebenberg

#cupcakes #chocolate #corneliebenberg