Maalvleis & Roosmaryn Fusilli met 'n Dikmelk & Feta Bolaag
- Corne Liebenberg
- Jul 18, 2015
- 1 min read
Jy benodig:
Vir die fusilli:
400g maalvleis
2 uie, geskil en gesny
bietjie olie vir braai
1 eetlepel roosmaryn
1/2 teelepel sout
worcestersous
1 teelepel knoffelpoeier
1 teelepel uiepoeier
400g fusilli (skroefies)
2 liter water
Vir die bolaag:
100g botter
1/2 koppie koekmeel
750 ml dikmelk
300g feta
2 teelepels bakpoeier
Varsgemaalde swartpeper
Skyfies tamatie
Metode:
Ek maak die pasta in 'n stoompot gaar.
Soteer die ui liggies in olie, voeg die roosmaryn, knoffel-, en uiepoeier by en braai.
Voeg die maalvleis by en braai deur tot gaar.
Voeg die sout, worcestersous, water en fusilli by en stoom vir 10 minute in 'n stoompot.
Maak solank die bolaag.
Smelt die botter en roer die koekmeel by.
Roer die dikmelk bietjie by terwyl jy heeltyd roer tot al die melk geinkorporeer is.
Roer die feta in die mengsel in.
Net voor die bolaag oor die pasta gegooi word, roer 2 teelepels bakpoeier in die mengsel in.
Plaas die pastamengsel onder in 'n oondbak en pak skyfies tamatie oor die pasta.
Gooi die bolaag oor die pasta.
Maal swartpeper bo oor die bolaag.
Bak in die oond tot die bolaag mooi uitgepof en bruin is.
Comments