WILDRUGFILLET MET BLOUKAASSOUS
- Lekker Resepte vir Jagters en Boere
- Jul 22, 2015
- 2 min read
Die marinade waarin die vleis ’n paar dae lank lê en die uiteindelike bloukaasvulsel maak van hierdie rugfilet ’n wengereg.
Genoeg vir 6 mense
Bereiding: 20 minute
Staantyd: 1-2 dae
Gaarmaaktyd: 1 uur
1 groot wildsrugfilet (sowat 1,5 kg)
MARINADE
50 ml sojasous
80 ml (¹/³ k) olyfolie
30 ml (2 e) suurlemoensap
3 knoffelhuisies, gekap
sout en vars gemaalde swartpeper
VULSEL
50 ml botter
2 grasuie, gekap
100 g knopiesampioene, in skywe gesny
2 knoffelhuisies, fyn gekap
200 g bloukaas, gekrummel
sout en vars gemaalde swartpeper na smaak
10 ml (2 t) gelatien
300-500 g spekrepe
METODE:
Sny alle sigbare sening van die filet af en vlek dit netjies oop. Plaas dit in ’n glasbak.
MARINADE
Meng al die marinadebestanddele en giet dit oor die vleis. Marineer 1-2 dae in die yskas.
VULSEL
Verhit die botter in ’n pan en soteer die grasuie daarin tot sag. Voeg die sampioene by, verhoog die temperatuur en braai tot die vloeistof verminder het.
Voeg die knoffel by en braai verder tot die sampioene begin verbruin. Skep die mengsel uit en laat afkoel.
Roer die bloukaas in en geur met sout en peper.
Voorverhit die oond tot 180 °C. Dreineer die vleis en klad droog met handdoekpapier. Geur met sout en peper.
Sprinkel die gelatien oor die oopgevlekte vleis en smeer die vulsel oor.
Rangskik die spekrepe oorvleuelend oor die vleisrol en steek met peuselstokkies of sosatiepenne vas of bind dit vas met tou.
Plaas die vleis op ’n rak bo-oor ’n oondbraaipan en rooster 15 minute per 500 g plus 15 minute ekstra. Laat 15-20 minute op ’n warm plek rus voor dit gesny word.
Sit die filet saam met ’n sampioensous voor.
WENKE
Maak wildsvleis so gaar:
Laat 15-20 minute in ’n voorverhitte oond by 160 °C toe per 500 g plus nog 15-20 minute.
Die vleis is gaar wanneer die vleissappe helder is.
Taaier vleissnitte soos rib sal langer gaargemaak word.
Geur wildsvleis so: Daar is meer as genoeg geure wat maklik maats maak met wildsvleis, soos gemmer, koljander, steranys, jenewerbessies, tiemie, naeltjies, neutmuskaat, peperkorrels, wonderpeper, knoffel, lourierblare en basiliekruid.
Comentarios