Eenpan-kaasworspasta

Vir 4

Voorbereityd 5 minute

Gaarmaaktyd 20 minute

Jy hoef nie eers die pasta apart te kook vir dié maklike dis nie. Dit is ryk, souserig en vol geur. Beslis ’n kampkosstaatmaker.

Jy benodig

1 eetlepel botter

400 g kaaswors, in wieletjies gesny

1 ui, fyngekap

2 knoffelhuisies, fyngekap

2 koppies hoenderaftreksel

1 blikkie (410 g) Koo Mexican Diced Tomatoes

½ koppie room

250 g skroefiepasta

sout en peper na smaak

1 koppie cheddarkaas, gerasper

Só maak jy

Braai die wors en uie saam in botter in ’n diep pan of swaarboompot vir 5 minute. Voeg die knoffel, aftreksel en tamaties by en bring tot kookpunt.

Voeg die pasta by, sit die deksel op en verminder die hitte sodat die gereg vir 10-15 minute prut.

Geur die pasta na smaak met sout en peper, en sprinkel die kaas bo-oor.

#eenskottel #cheese #sausage #pasta