Maalvleiskerrie met roti

10 ml (2 t) olyfolie

1 groot ui, gekap

2 knoffelhuisies, gekap

1 rooi rissie, gekap (opsioneel)

10 ml (2 t) blaarmasala

10 ml (2 t) geroosterde masala

5 ml (1 t) garam masala

5 ml (1 t) komyn-masala

500 g maalvleis

sout en peper

1 blik gekapte tamaties

250 ml (1 k) bevrore ertjies

15 ml (1 e) suiker

30 g vars koljander, gekap

rys of roti’s om mee voor te sit

Verhit die olie in ’n kastrol en soteer die ui, knoffel en opsionele rissie tot die ui goudbruin is.

Voeg al die masala by en skroei ’n paar sekondes. Voeg die maalvleis bietjies-bietjies by en geur met sout en peper.

Voeg die tamatie by en laat prut 20 minute oor lae hitte. Voeg die ertjies by en laat prut nog 5 minute.

Verwyder die kastrol van die hitte en voeg die suiker en gekapte koljander by.

Sit voor saam met rys of roti’s.

#mince #curry #roti