STEAK IN SAMPIOEN EN MOSTERDSOUS

Hierdie heerlike resep begin met een basisresep waarmee die lekkerste kos opgetower kan word.

Basisresep vir geroomde sampioene:

60 ml botter

500 g gemengde sampioene, grof gesnipper

Sout en vars gemaalde swartpeper na smaak

5ml vars tiemieblaartjies, fyngekap

100 ml sjerrie

500 ml room

Verhit die botter in ’n groot kastrol of diep pan en voeg die sampioene by. Braai vir ’n paar sekondes en geur goed met sout, peper en tiemie. Braai oor hoë hitte tot die sampioene amper gaar is en voeg die sjerrie by. Braai verder tot die meeste van die sjerrie weggekook is en voeg die room by. Kook en roer aanhoudend tot die mengsel afgekook en die room so dik soos karringmelk is. Verwyder van die hitte en laat afkoel. Lewer sowat 625 ml geroomde sampioene.

Steaks:

2x200 g rib-oog-steaks

Sout en vars gemaalde swartpeper na

smaak

30 ml olyfolie

1/2 hoeveelheid warm, geroomde

sampioene

5ml Dijon- of heelkorrelmosterd

Geur die steaks met sout en peper en besprinkel met olyfolie. Verhit ’n swaarboompan tot baie warm en seël die steaks aan albei kante. Roer die mosterd by die geroomde sampioene en skep op die steaks. Sit ’n deksel op en verhit tot kookpunt. Prut vir ongeveer vyf minute en sit voor met groente. Lewer twee porsies.

#steak #mushroom #mustard