MIELIEPAP IN DIE OOND Ongelooflike maklike gereg.
- Heleen Meyer
- Jul 27, 2015
- 1 min read
Ongelooflike maklike gereg.
’n Ongelooflike maklike gereg om met wors of braaivleis voor te sit.
360 g (750 ml) growwe mieliemeel
250 ml (1 k) melk
500 ml (2 k) water
60 ml (¼ k)olyfolie
2 x 410 g-blikke suikermielies
sout en varsgemaalde swartpeper na smaak
½ klein ui, in dun wiggies gesny
6-8 knopiesampioene, in dik wiggies gesny
10-12 takkies vars tiemie
1. Voorverhit oond tot 180 °C en smeer ’n vlak oondvaste bak liggies met olyfolie.
2. Roer meel, melk, water, olie en suikermielies in oondbak saam en geur na smaak. Roer weer deur.
3. Strooi ui en sampioene oral oor mengsel, maar moenie weer roer nie. Sprinkel tiemie oral oor.
4. Bak vir 1 uur of tot meel gaar en gereg goudbruin bo-op is.
Wenk
1. Laat ui en sampioene uit en skep ’n dik tamatiesmoor bo-op, sprinkel met ’n bietjie kaas en bak soos beskryf. Stukkies gebraaide spek kan ook bygevoeg word.
Comentarios