SPEK EN MOSSELS SOSATIES

"Surf & Turf"

’n Repie spek rondom ’n mossel sorg vir net daai ekstra bietjie sout, en dit maak van dié gereg ’n wenner.

JY BENODIG:

(vir 5 mense)

VIR DIE SOSATIES

30 vars swartmossels

’n halwe bottel witwyn

15 repies strepiespek

5 sprietuie (gebruik slegs die groen deel)

VIR DIE SOUS:

1 teelepel kookolie

’n hand vol grasuie, fyngekap

2 knoffelhuisies, fyngekap

125 g gesoute botter

’n halwe koppie room

sout en peper

SO MAAK JY:

Maak die sous: Verhit die olie in ’n pan en braai die helfte van die grasuie vir ’n paar sekondes saam met die knoffel. Gooi die botter by en laat dit smelt.

Haal die pot van die hitte af en gooi room en die res van die grasuie by. Geur dit na smaak met sout en peper.

Maak die sosaties: Laat lê 5 sosatiestokkies vir minstens 10 minute in water sodat dit nie brand nie.

Stoom intussen die mossels oor matige kole in witwyn totdat elkeen oopmaak (gooi dié weg wat nie oopmaak nie). Haal die mossels uit die dop en spoel hulle onder lopende water af.

Draai elke mossel met ’n repie spek toe en ryg dan 6 mossels op elke sosatiestokkie.

Sny die groen deel van ’n sprietui in stukkies van ongeveer 3 cm en sit ’n stukkie tussen elke mossel op die stokkie.

Braai die sosaties oor matige kole totdat die spek bros en bruin is – ongeveer 10 minute. Bedruip die sosaties met die sous

#bacon #mussels #kebabs #happies