Stokkie-worsrolletjies

Iets lekkers vir die kinders terwyl die grootmense braai.

Genoeg vir 4 mense

Bereiding: sowat 20 minute

Staantyd: sowat 1 uur

Baktyd: sowat 40 minute

400 g dun boerewors

sowat 500 g brooddeeg

50 g botter, gesmelt

tamatiesous om mee voor te sit

Voorverhit die oond tot 180 °C.

Week 8 sosatiestokkies in water.

Sny die wors in stukke van sowat 10 cm en ryg elke stuk op ’n sosatiestokkie.

Verhit ’n riffelpan en braai die wors tot amper gaar. (Hierdie kan ook sommer op die braai gedoen word) Laat afkoel.

Laat rys die deeg sowat 20-30 minute. Knie dit af op ’n meelbestrooide werkoppervlak en deel dit in ewe groot balle.

Vorm lang deegworse. Draai hulle om die gebraaide wors en knyp die punte aan die bo- en onderkant van die wors vas.

Plaas die rolletjies op ’n gesmeerde bakplaat en laat rys sowat 20 minute.

Smeer die rolletjies met die botter en bak 20-30 minute of tot gaar.

Sit voor met tamatiesous of selfs stukke vars tamatie.

#boerewors #bread #pastry #happies