TAMATIE STAMPMIELIES
- OUMA SE RESEPTE
- Jul 28, 2015
- 1 min read
500ml rou stampmielies (oornag geweek)
1 ui, fyn gekap
olie
3 tamaties, ontvel en fyn gekap
sout en varsgemaalde swartpeper
150ml Cheddarkaas (gerasper)
Giet die weekwater van die stampmielies af en bedek met koue water. Verhit tot kookpunt en laat prut dan tot sag. Geur aan die einde van die kooktyd met sout. Dreineer en druk effens fyner met ‘n aartappeldrukker. Voeg ‘n klontjie botter asook ‘n bietjie melk by indien verkies. Soteer die ui in ‘n bietjie olie tot sag. Voeg die tamatie by en prut tot ‘n lekker sous gevorm is. Geur met sout en peper en voeg stampmielies by. Meng liggies deur, voeg die helfte van die kaas by en meng. Strooi die orige kaas bo-oor.
MAKLIKE STAMPMIELIES:
Probeer gerus die maklike resep dis baie min moeite.
Week 1 kop stamp mielies oornag in koue water Sit stampmielies en 2 kop water in slow cooker.
Enige vleis sonder bene bv. chuck of skaapvleis meng pak.
Bruin uiesop met koue water gooi als in slow cooker en vergeet daarvan as jy van die werk af kom, eet jy heerlik.
As jy nie slow cooker het nie sit in oondbak in die oond op lae temp/potjie buite.
Jy kan ook verskeie groente hierby voeg, maar voeg dit heel laaste by, wanneer die stampmielies en vleis feitlik heeltemal gaar is. Groente neem nie sal lank om te kook nie.
Comments