DOEKSAGTE FILLET MARINADE

Vat die fillette, en raak ontslae van die blinkblou senings aan die een kant, en voer die kat met enige stukkies vleis wat saam met die senings afkom.

Dan le jy nou vir fillet in ‘n roomys bak of iets dergeliks neer, en sny een suurlemoen/lemmetjie middeldeur – rol hom eers soos hulle op die “food channel” doen, met ‘n plat palm en die krag uit jou skouer, sodat die vrug redelik meer ‘juice sal release’. Dit werk nogal. Dan druk jy die storietjie lekker uit, en volg die marinade op met ‘n goeie skeut olyf olie, en as jy het, ‘n halwe goeie skeut sesame olie.

Nou marineer jy die saak vir so ‘n oornag, wyl jy vir fillet iewers in die helfde van die oornag sessie omdraai, sodat die ander gedeelte ook kan geur kry.

Maak jou vuur, braai jou fillet, en sout dit wanneer jy dit afhaal as die vleis ‘rus’. So 5 minute van kyk en kwyl daarna, sodat die ‘juices kan settle’ en jou honger jou teen die mure kan uitdryf.

Los nou maar die souse vir ander dag se steaks, hierdie een met sout en swartpeper is ‘n wenner.

#fillet #marinade