GEROOKTE SNOEKKOEKIES
- Kos vir kampeerders met idees vir kampering
- Jul 29, 2015
- 1 min read
30 minute
(4 - 6 porsies)
30 ml botter
1 ui, fyngekap
2 knoffelhuisies, fyngekap
400 g gerookte snoek, fyngevlok
4 takkies tiemie, fyngekap
50 ml koekmeel
2 eiers
sout en varsgemaalde swartpeper
100 g broodkrummels
30 ml olyfolie
200 ml mayonnaise van goeie gehalte
slaaiblare van jou keuse
2 suurlemoene, in wiggies
Verhit botter in 'n middelslagpot tot warm.
Voeg ui en knoffel by en braai liggies vir sowat 5 minute of tot begin verkleur.
Voeg by gevlokte snoek saam met tiemie, meel en 1 eier.
Meng goed saam.
Geur met sout en swartpeper.
Vorm koekies van sowat 100 g elk.
Klits ander eier in 'n plat bak.
Doop koekies in eier en dan in broodkrummels.
Verhit botter in 'n middelslag-pan tot warm.
Braai koekies sowat 5 - 8 minute aan 'n kant of tot goudbruin en gaar.
Sit warm voor saam met mayonnaise, slaai en suurlemoen.
コメント