Smoorsnoek jaffle Lekker Man, LEKKERRRRR

Nic van Wyk se smaaklike resep met Simonsberg-kaas.

Jy benodig

• 600 g gerookte snoek, grate verwyder en gevlok

• witbrood

• Simonsberg-mozzarellakaas

Tamatiesous

• 1 rooi ui

• 1 klein brandrissie

• 1 pakkie kersietamaties

• suiker na smaak

• sout na smaak

• olie

• 1 huisie knoffel

Maak die tamatiesous

Kap die ui en rissie, halveer die tamaties en meng dit met die suiker, sout, olie en knoffel. Plaas die mengsel op ‘n bakplaat en rooster dit in die oond tot die tamaties se randjies begin swart word. Maak dit fyn in ‘n voedselverwerker. Meng die snoek met die helfte van die tamatiesous en proe vir geur. Voeg nog sous by, indien nodig.

Plaas dan 2 skywe Simonsberg-mozzarella op 2 snye brood. Skep van die snoekmengsel op een sny en sit die ander sny bo-op. Rooster dit in ‘n jaffle-pan of Snackwich-rooster. Sit voor met gebraaide patatskyfies en ‘n groen slaai.

Resep ontwikkel deur sjef Nic van Wyk vir Simonsberg-kaas.

#snoek #fish #jafle #bread