Varklies oor die kole

Hierdie varklies wat jy oor die kole gaarmaak moet jy sommer saam met patats wat in tinfoelie gebak is, voorsit - Huisgenoot Wenresepte

Genoeg vir 4 mense

Bereiding: 10 min.

Gaarmaaktyd: 40 min.

Mosterdsous

3 eiers

160 ml (²⁄₃ k) suiker

20 ml (4 t) mosterdpoeier

10 ml (2 t) mosterdsaadjies

250 ml (1 k) wynasyn

sout na smaak

15 ml (1 e) elk vars

gekapte of 5 ml (1 t) elk droë grasui, origanum en dille

125 ml (½k) suurroom of Griekse jogurt

Vleis

1 heel varklies van 1 kg, swoerd ingesny sout en peper

Sous Klits die eiers deeglik in ’n glasbak en voeg die suiker, mosterdpoeier en mosterdsaadjies geleidelik by. Klits

goed. Giet die asyn geleidelik by en klits goed. Geur met die sout en voeg die kruie by.

Klits oor ’n kastrol met kookwater (pas op dat die bak nie aan die water raak nie) tot die mengsel verdik het en net begin prut.

Laat afkoel en roer die suurroom of jogurt by.

Vleis Geur die varklies met sout en peper en braai sowat 40 minute hoog op warm kole tot gaar.

Sny in skywe en sit voor saam met die sous en patats wat in tinfoelie gebak is.

#pork #braai