MATUMI – WILDSFILET

4x 250g porsies wildsfilet

vars suurlemoensap

SOUS

250g repiesspek

½ ui, fyngekap

1 knoffelhuisie, fyngedruk

250g bruin sampioene, gesny

500ml vars room

5ml biefekstrakpoeier

30ml mielieblom

50ml water

3ml sojasous

1ml paprika

sout en swartpeper (na smaak )

4 dun skywe Cheddar kaas

Marineer die wildsfilet in ‘n bietjie suurlemoensap terwyl die sous berei word. Sny die spek in stukkies en braai in die pan saam met die uie, knoffel en gesnyde sampioene. Voeg die room by en verhit stadig oor lae hitte terwyl aanhoudend geroer word. Meng die biefekstrakpoeier en mielieblom en maak met die water aan tot ‘n pasta. Roer by die room in. Bring weer tot kookpunt, terwyl aanhoudend geroer word. Voeg sojasous, paprika, sout en peper by en prut stadig tot gaar.

Rooster elke filet na smaak oor warm kole of ‘n gasbraaier tot die verlangde graad van gaarheid. Plaas na die laaste omdraaislag ‘n skyfie Cheddarkaas op elkeen en verhit tot kaas effe gesmelt is. Bedien met bros groente en ‘n gebakte aartappel of skyfies.

Bedien 4 persone.

#venison #bacon #cheese #mushroom