VLAKVARK FILLET MET `N PEPER EN KRUIE KORS

Bedien met `n pruim en appelkoos blatjang, hassleback aartappels en `n mosterdroom.

400g vlakvarkfillet 50g growwe swart peper

1cm vars gemmer 40g gemengde kruie

12 baba aartappels 40ml heuning

200g vars pruime 150g gedroogte appelkose en perskes

100g wortels 100g murgpampoentjies

200ml vars room 40g Dijon heelgraan mostert

100ml asyn 150g bruin suiker

100g bokmelkkaas portwyn

olyfolie vars kruie

250ml gekapte uie

Maak die vlakvarkfillet skoon deur al die sigbare senings te verwyder. Marineer in portwyn, olyfolie, gemmer en vars kruie. Rol oor gekapte kruie en growwe swart peper. Rol styf op in kleefplastiek en plaas in die yskas vir ± 30 minute

GAARMAAK VAN DIE VARK

In `n baie warm pan, voeg bietjie olyfolie by. Sny die fillet in ± 5cm skywe en plaas met plastiek in die warm pan. Draai om sodra die bodem maklik los kom en goed bruin is. Laat rus met die plastiek vir ±20 minute, haal uit plastiek en plaas dan op `n bakplaat in die oond vir ±20 minute op 180C.

BLATJANG

Oor matige hitte roerbraai gekapte uie, die pruime en appelkose (alles tot glaserig). Voeg by die suiker en dan die asyn en roer tot die suiker opgelos is. Prut oor matige hitte tot dik en stroperig. Voeg sout en peper na smaak by

ROOM EN MOSTERT SOUS

Braai mostert met `n klein bietjie botter. Voeg klein bietjie portwyn en al die room by en prut tot net die helfte van die oorspronklike volume. Voeg sout en peper by Klits vinnig tot skuimerig en lig en bedien

GROENTE

Glansjeer die groente baie vinnig. Roerbraai met gemmer tot al dentè (krakerig, maar gaar).Voeg sout en peper by

AARTAPPELS

Sny die baba aartappels in helftes. Kook tot amper gaar. Koel af onder koue water. Sny baie klein en fyn repies deur die breedte van die aartappels. Druk kruie tussen die skyfies. Gooi baie heuning oor en bak in die oond tot krakerig

#vlakvark #fillet #warthog #venison #pepper #herbs