BOSVELD WILDSMEER
- Gert Peens
- Aug 4, 2015
- 1 min read
Bied aan as voorgereg met bros Franse brood.
1.6kg wildsvleis, in 50mm blokkies gesny 20ml sout
900g vet varkvleis soos lies, in 50mm blokkies gesny 20ml varsgemaalde swartpeper
knypie vars gerasperde neutmuskaat 2.5ml gemengde speserye
knypie gedroogde tiemie 2 lourierblare
1 knoffelhuisie, ongeskil en gekneus 500ml of meer water, indien nodig
gesmelte varkvet of verhelderde botter
Voorverhit oond tot 160C. Plaas wilds en varkvleisblokkies in oondkastrol. Geur met sout, neutmuskaat, peper, gemengde speserye, tiemie, lourierblare en knoffel. Voeg 400ml water by. Verhit tot kookpunt by matige temperatuur terwyl voortdurend geroer word. Bedek met foelie en deksel en bak 3-4uur. Roer af en toe tot vet gesmelt en helder is. Vul vloeistof met water aan om te voorkom dat vleis vassit, maar wees versigtig dat die vloeistof nie kook nie. Dreineer vleis in vergiettes en verwyder lourierblaar en knoffel. Behou vet en laat afkoel. Vlok vleis met 2 vurke. Meng koue vet met vleis, proe en geur, indien nodig. Skep in bakkies en druk stewig vas om lugblasies te verwyder (dit voorkom muf). Bedek met gesmelte varkvet of verhelderde botter en bewaar tot 6 weke in die yskas. Laat minstens 2 dae in yskas ryp word voordat dit gebruik word.
Comentários