VOLSTRUIS FRIKADELLE

1 dik sny wit brood, korsies verwyder

500g volstruis maalvleis

1 uie, geskil en in blokkies gesny

1 groen appel, geskil, ontpit en gerasper

125ml vrugte blatjang

10ml sout

swart peper

25ml gekapte vars pietersielie

1 ekstra groot eier

37.5ml sonneblom olie

410g blik room tamatiesop

Verhit die oond tot 180ºC. Sit die brood in 'n bakkie en bedek met koue water. Laat dit staan tot meeste van die water geabsorbeer is. Pers die water uit die brood tussen jou hande en verkrummel die brood in 'n ander bak. Voeg die volstruis maalvleis, uie, appel, blatjang, sout, peper, pietersielie en eier by die brood. Meng goed. Vorm 20 klein frikadelle met jou hande. Verhit die olie in 'n groot braaipan. Sit die frikadelle in die pan en braai totdat hulle eweredig bruin is. Dreineer op papierhandoeke. Plaas in 'n 2 liter oondbak. Gooi die sop oor die frikadelle en bak vir 40 minute. Draai elke nou en dan en gooi die sop met 'n lepel oor totdat die frikadelle gaar is en die sop borrel. Bedien met pap en strooi gekapte pietersielie oor indien verkies.

VARIASIE:

Vervang die tamatiesop met enige ander blikkie sop, bv. room sampioensop of beesstert sop.

#ostrich #meatballs