KARRINGMELKBESKUIT

2 kg bruismeel

2 plat teelepels sout

4 opgehoopte teelepels bakpoeier

Meng goed met ’n draadklitser in die knieskottel.

500g margarien

3 x 250ml bruinsuiker (750ml)

½ koppie (125ml) kookolie

500ml karringmelk

4 eiers

2 teelepels (10ml) Vanilla

2 teelepels (10ml) karamelgeursel

Smelt margarien in kastrol. Roer bruinsuiker by. Tel van warm stoofplaat af en roer totdat die suiker gesmelt het. Klits karringmelk met draadklitser by en dan die kookolie. Klits eiers en geursel met elektriese klitser baie goed. Voeg eers van margerienmengsel by die eiers en meng dan alles saam.

Voeg margarienmengsel by droë bestanddele en meng eers met lepel en knie dan tot elasties. Spuit pan met Spray ’n Cook en druk deeg mooi in pan. Stel oond op 180 grade C en laat rys deeg in pan bo-op die stoof vir ’n halfuur. Bak vir 15 minute by 180 grade C en verminder hitte na 150 grade C vir 45 minute. Skakel oond af en laat beskuit vir halfuur afkoel binne in die oond. Sny met elektriese mes en droog by 80 grade C.

#buttermilk #rusks #beskuit