TAPAS - Ham Krokette

Bestanddele: 1 Eetlepel Olyfolie 100 Gram Broodkrummels 2 Eetlepels Koekmeel Neutmuskaat 250 ml Melk 150 Gram Ham in klein stukkies gesny 1 Eier Sout en Peper na smaak Kookolie om in te bak

Metode: Plaas olie in 'n pan en verhit, maar voordat dit so warm word dat die rook daaruit trek). Verwyder pan van plaat en voeg die meel daarin. Roer met 'n houtlepel totdat dit 'n pasta vorm. Plaas die pan terug op warm plaat (matig) en voeg die melk bietjie vir bietjie by en roer aanhoudend totdat die mengsel goed deurgekook is. Voeg die neutmuskaat en die sout en peper by. Voeg die ham by en roer deur. Kook en meng totdat die mengsel styf is en moenie ophou roer nie. Wanneer die mengsel styf genoeg is, skep dit uit in 'n bak en laat dit afkoel. Klits die eier eenkant in 'n bak waarvan die ruimte genoeg is sodat jy jou krokette daarin kan doop. Wanneer jou kroketmengsel afgekoel is, neem jy klein hoeveelhede daarvan in jou hand en maak bolletjies en vorm dit ovaal. Doop nou elke kroket eers in die eiermengsel en dan in die broodkrummels. Die eier sal die broodkrummels laat klou. Plaas dit apart van mekaar op 'n groot bord. Verhit nou jou olie om dit in te bak (diepolie, matige hitte) en bak die krokette tot goudbruin. Wanneer jy dit uit die olie haal, plaas op dreineringspapier of rakkie om van oortollige olie ontslae te raak. En bedien!

#tapas #ham #happies