Annelie Jansen se Klam pynappel-en-klapperkoek - BREW & BRUNCH PROMOSIE

BESTANDDELE:

175 g koekmeelblom

10 ml bakpoeier

150 g strooisuiker

95 ml sonneblomolie

75 ml klappermelk

2 groot eiers

1 suurlemoen se gerasperde skil

1 blik pynappelstukke,gedreineer

SOUS:

30 ml donker rum(of pynappelsap)

30 ml gouestroop

125 ml klappermelk

METODE: Sif die meel en bakpoeier in n mengbak.Roer die strooisuiker in.

Meng die olie en klappermelk in n ander bak. Skei die eiers en voeg die gele en die suurlemoenskil by die klappermelkmengsel.Vou dit saam met die pynappelstukke by die droe bestanddele in.Klits die eierwitte tot styf en vou dit by die koekbeslag in.Skep die beslag in die bakpan en bak 40 minute in n voorverhitte oond,of totdat n toetspen skoon uit die middel van die koek kom. Berei die sous deur die rum,gouestroop en klappermelk tot louwarm te verhit. Giet oor die koek sodra dit uit die oond kom.Sit warm voor of laat dit 20 minute lank afkoel in die pan.Plaas in die yskas en sit dit voor as nagereg saam met room of roomys, of net so by n middagtee.

#brewbrunch #cake #koek #coconut #pineapple