Pepper Steak

Nie sommer almal kan lekker kos maak nie. Of so dink hulle. Met die resep kan jy fantastiese steak gaar maak en jou vriende wat sukkel erg beïndruk. Vandag wys ons jou hoe om jou eie pepper steak te maak.

Vir die "Salt Rub" Wat jy gaan nodig hê: 2-4 wildsvleis steak 2 eetlepels olie ¼ koppie grof gekerfde swartpeper 2 eetlepels gekerfde koljander (vars of uitgedroog) 1 ½ teelepels bruin suiker 1 teelepel paprika poeier 1 teelepel mosterd poeier 1 teelepel droë uie poeier 1 teelepel droë knoffel poeier Sout (volgens smaak)

Metode: Meng die droë bestanddele in 'n bak tot dit deeglik gemeng is. Maak seker jou vleis is kamer temperatuur. Jy kan sommer die vleis effe droog maak met n vadoek of kombuispapier. Versprei die droë mengsel geleidelik oor die vleis en vryf dit in. Laat die vleis rus vir 5 minute voor jy dit gaar maak.

"Rubbed Steak" Nou dat dit als voorberei is, verhit n pan met die olie in. Maak seker die olie is warm genoeg. Die steak sal dadelik begin sis wanneer dit die olie raak. Kook tussen 5 en 7 minute aan elke kant vir 'n medium gekookte steak. Indien jy jou oond klaar verhit het tot 200 grade Celcius, kook dan die steak net vir 2 minute aan elke kant en sit dit dan in die oond vir 15 minute. Onthou net om altyd die vleis vir so 10 minute te laat rus voor jy dit bedien. Dit verhoed die sappigheid om te ontsnap. Voeg sout by volgens jou eie smaak. Geniet dit.

#pepper #steak