Spaghetti en frikkadelle met ‘geheime’ groente

• 500 g maer bees- of varkmaalvleis • 1 klein ui, gerasper • 2 wortels, fyngerasper • 1 groot eier, liggies geklits • 125 ml vars broodkrummels • 7,5 ml fyn koljander • olyfolie, vir panbraai • spaghetti, om voor te sit • gerasperde parmesaan en vars basilie, om voor te sit Sous • 1 ui, fyngekap • 2 knoffelhuisies, fyngedruk • 1 selderysteel, gekap • 3 murgpampoentjies, fyngerasper • 1 rooi soetrissie, pitte verwyder en gekap • 2 blikke Italiaanse pruimtamaties • omtrent 250 ml groente-aftreksel • 15 ml tamatiepasta • 100 ml rooi lensies • 5 ml droe¨ basilie • 3 ml droe¨ origanum 1 Meng die maalvleis, ui, gerasperde wortel, eier, broodkrummels en koljander en geur dit goed met sout en varsgemaalde swartpeper. 2 Rol die mengsel in klein bolletjies en sit dit in die yskas. Maak solank die sous. 3 Sous Verhit ’n bietjie olie in ’n kastrol. Voeg die ui by en soteer dit vir ’n minuut voor jy die knoffel, seldery en murgpampoentjie byvoeg en vir omtrent drie minute oor matige hitte roerbraai. 4 Voeg die orige sousbestanddele, 2 ml suiker en sout en varsgemaalde swartpeper na smaak by. Laat dit vir 15 minute prut. Maak die sous glad met ’n handversapper. Voeg nog ’n bietjie aftreksel of water by, indien nodig. 5 Verhit ’n lagie olie in ’n kleefvrye pan. Braai ’n paar frikkadelle op ’n slag tot dit oraloor bruin en gaar is. 6 Sit al die frikkadelle in die kastrol met die sous en laat dit vir ’n paar minute prut. Sit dit warm voor oor gaar pasta en sprinkel gerasperde parmesaan en vars basilie bo-oor.

#spaghetti #meatballs #vegetable