Kaas-en-mielie-viskoekies met komkommerslaai

400 g geblikte sardyne in tamatiesous hand vol pietersielie, gekap 1 ui, fyngekap 125 g geblikte mielies 125 g cheddarkaas, gerasper 3 snye lae-GI-bruinbrood, fyngebreek sout en fyngemaalde swartpeper koekmeel om viskoekies in te rol 1 eier 100 g droë broodkrummels 60 ml olyfolie 30 ml rooiwyn-asyn 15 ml suiker 2 knoffelhuisies, fyngekap 1 komkommer, in repe gesny 4 baba-komkommers, in ringe gesny 1 ui, in ringe gesny Verhit oond tot 200 °C. Plaas sardyne, pietersielie, ui, mielies, kaas en fyngebreekte brood in ‘n mengbak. Meng goed deur en geur met sout en peper. Vorm viskoekies. Rol koekies in meel, doop in eier en rol dan in broodkrummels. Laat 10 minute in yskas rus. Maak slaaisous van olie, asyn, suiker en knoffel. Geur met sout en peper. Pak viskoekies op bakplaat en bak sowat 20 minute tot bros. Meng komkommer en ui met slaaisous. Sit voor saam met viskoekies.

#cheese #corn #fishcakes #cucumber #salad