Gebakte Worsies Met Appel

Indien jy verkies om sonder wyn kos te maak, vervang dit deur dieselfde hoeveelheidaftreksel

Genoeg vir: 4 Voorbereiding: 15 min

Bestanddele: 2 appels 1 groot vinkelknol 8 rou, gegeurde worsies (soos chorizo- of lamswors) 2 rooi-uie, elkeen in 6 wiggies gesny 1 t vinkelsaad 2 e olyfolie 2 e loperige heuning 50 ml tot 75 ml droë witwyn, na smaak 2 e vars origanum blare sout en vars gemaalde swartpeper

Metode: 1. Voorverhit die oond tot 200 °C. Met die skil steeds aan die appels, sny elkeen in 6 wiggies en sny dan die stronk uit. Gooi dit in ’n middelslag-roos terpan. Sny die vinkelknol in die helfte en sny die harde stuk in die middel uit. Kap die res van die vinkel grofweg en voeg dit by die pan saam met die worsies en uiewiggies. 2. Stamp die vinkelsaad in ’n vysel fyn en strooi dit oor die worsmengsel. Voeg die olyfolie, heuning, wyn en origanum by en geur mildelik. Meng dit (met jou hande – dis die maklikste). 3. Rooster vir 40 minute (roer dit af en toe deur) of totdat die worsies gaar en goudbruin is, die groente sag is en begin karamelliseer. Sit voor met focaccia- brood (of jou geliefkoosde brood) om die vloeistof mee op te vee. (Goeie Huishouding Tydskrif)

#chorizo #apple #casserole #fennel #wine