KOOL FRIKKADELLE

Ons ken almal Kool Frikkadelle, maar hierdie resep is ideaal vir LowCarb! Jy hoef nie vark maalvleis te gebruik nie - jy kan bees maalvleis ook gebruik, of 'n kombinasie van die twee. Sprinkel bietjie paprika bo-oor vir die mooiegeid. En indien jy die gereg nóg meer spesiaal wil maak, gooi 'n LowCarb Kaas Sous* bo-oor en sprinkel met kaas voor die laaste 20 minute van baktyd!

6 groot koolblare 500 g bees maalvleis 500 g vark maalvleis 10 ml fyn koljander 1 ml fyn naeltjies 1 ml fyn neut sout en varsgemaalde swart peper na smaak 25 ml asyn 2 eiers 30 ml droë pietersielie

Plaas die koolblare in 'n groot bak en gooi kookwater oor die blare - sorg dat dit deeglik bedek is. Laat staan die blare vir ten minste 5 minute terwyl jy die frikkadelle berei. Meng die maalvleis, koljander, naeltjies, neut, sout en peper en asyn saam. Klits die eiers en voeg by, asook die pietersielie. Meng alles goed deur en verdeel die mengsel in 6 ewe groot frikkadelle. Verwyder die koolblare uit die kookwater. Plaas 'n frikkadel in die middel van elke koolblaar en vou dit in 'n pakkie toe. Plaas die frikkadelle in 'n oondbak met 'n deksel en gooi 125 ml kookwater in die oondbak. Bedek en bak teen 150°C vir 1 uur. Bedien warm.

Lewer 6 Porsies * Per Porsie * 1273kJ * Total Fat 10g * Protein 49g * Total Carbs 2.0g * Net Carbs 1.2g

#banting #cabbage #meatballs