LOWCARB KAAS SOUS

Almal het 'n goeie resep vir 'n kaas sous nodig - en nog meer as mens op 'n LowCarb Dieet is. Kaas sous kan enige iets van pasta tot groente opkikker, en selfs 'n lekker stuk steak as jy pepperkorrels of sampioene daarby inmeng. Hier volg die basiese resep vir 'n baie lekker en maklike kaas sous. Ek sit 'n lys onder aan van wat jy nog by die sous kan gooi - onthou net dat die voedingsanalise slegs vir die sous is.

60 ml room 30 g botter 50 g room kaas 60 g gerasperde cheddar (of mozarella, vir 'n witter sous) knippie sout ongeveer 30 ml water

Plaas die room en botter in 'n klein kastrolletjie en verhit stadig. Wanneer warm en die botter gesmelt is, voeg die room kaas by. Roer met 'n draadklitser en verhit tot dit begin borreltjies maak en haal dan dadelik van die hitte af. Voeg die cheddar by en roer tot die kaas gesmelt en die sous glad en romerig is. Geur na smaak met sout. (Indien die sous te dik is na jou smaak, kan jy dit met van die water verdun.) 5 Porsies * Per 30g Porsie * 441kJ * Total Fat 8g * Protein 4g Total Carbs 0.8g * Net Carbs 0.8g

Hier is 'n paar idees vir speserye en kruie - gebruik dit apart of in kombinasies:

1 ml rooipeper 2,5 ml knoffel poeier 2,5 ml uie poeier 2,5 ml paprika 5 ml droë kruie, bv roosmaryn, pietersielie, origanum, salie 15 ml heel peperkorrels 15 ml gerasperde parmessaan 5 ml Worcestersous paar druppels Tabasco

Of, voeg by die sous - apart of in kombinasies: 25 g gesmoorde uie 100 g gesmoorde sampioene 50 g gesmoorde soetrissies 100 g gaar, gekrummelde spek 50 g feta, gekrummel

#banting #cheesesauce #cheese