Toffie Appels

Maak: 8 Bereidingstyd: 10 minute Gaarmaaktyd: ongeveer 30 minute 8 klein tot middelslag- rooi appels 8 stokkies vir die appels 470 ml (400 g) suiker 10 ml asyn 75 ml gouestroop 25 ml botter rooi koskleursel klaargemaakte springmielies (ongesout) vir versiering 1 Was die appels en droog dit goed af. Druk ‘n stokkie in elkeen se stingelkant. 2 Verhit al die ander bestanddele behalwe die springmielies saam. Voeg 125 ml water by. Roer die mengsel tot die suiker opgelos het. Verf enige kristalle wat aan die kastrol se rand vorm, met ‘n klam kombuiskwassie skoon. 3 Verhit die mengsel tot kookpunt en laat dit prut totdat dit ‘n temperatuur van 138 °C op ‘n suikertermometer bereik. (Of gooi ‘n druppel van die mengsel in ‘n koue bakkie water – as dit ‘n harde, bros bal vorm, is dit reg.) Haal dit van die plaat af en sit die kastrol in ‘n wasbak vol koue water om die kookproses stop te sit. Sit dan die kastrol op die werkoppervlak langs die appels. 4 Doop elke appel in die toffie en sorg dat dit oraloor bedek is. Druk ‘n paar springmielies aan die toffie vas en pak die toffie-appels op ‘n skinkbord wat met waspapier uitgevoer is. Wanneer die toffie hard is, draai die toffie-appels in sellofaanpapier toe en bind dit met ‘n kleurryke lint vas.

#toffee #apples