✞ ✞ ✞ GEKIES ✞ ✞ ✞

. “…die waarheid as gordel om julle heupe…die bereidheid om die evangelie van vrede te verkondig as skoene aan julle voete” Efesiërs 6: 14 & 15 . ‘n Predikant het by geleentheid in `n gevangenis `n diens gehou. Onder die gevangenes wat na hom sit en luister, merk hy iemand op wat vir hom bekend lyk. Na die diens kry hy toestemming om met daardie persoon in sy sel te gesels. Die gevangene praat dadelik met hom. “Ek onthou u, Meneer,” sê hy. “Ons was saam seuns in dieselfde buurt. Ons het saam na dieselfde skool toe gegaan. Ons het langs mekaar gesit. Toe het ek dieselfde vooruitsigte as u gehad.” Hy sug diep en gaan voort met sy verhaal. Op 14-jarige ouderdom kom hulle by geleentheid albei voor die keuse om hul harte vir die Here Jesus Christus te gee. “You made choice of the service of God and became a Christian. I refused to come to Christ, and made choice of the world and sin. Now you are a happy and honoured minister of the gospel, while I am a wretched outcast.” Hy het reeds tien jaar van sy vonnis uitgedien, vertel hy, maar hy gaan lewenslank in die tronk bly. . Die erns van die keuse wat ons maak, wanneer die Here Jesus aan die deur van ons hart klop, soos Openbaring 3:20 dit vir ons skilder: “Kyk, Ek staan by die deur en Ek klop. As iemand my stem hoor en die deur oopmaak, sal Ek by hom ingaan en saam met hom die feesmaal hou, en hy saam met My,” is nie net die aardse proses wat volg as ons Christene is nie, maar die ewige koers wat dan vir ons wag. Iemand wat sy lewe oopmaak vir Christus se redding, ontvang ewige lewe. So iemand gaan hemel toe na die dood. Almal wat weier om die Here Jesus Christus as Verlosser aan te neem, gaan verlore, gaan verdoemenis toe na die dood. `n Aaklige vooruitsig….. . Kies Jesus!!!

#pitkos #nicoliebenberg