✞ ✞ ✞ AL OPLOSMIDDEL VIR GOUD ✞ ✞ ✞

. “God is ryk in goedheid, vedraagsaamheid en geduld … Besef jy nie dat God jou deur sy goedheid tot bekering wil lei nie? Maar deur jou verharding en jou onbekeerlike hart is jy besig om vir jouself straf op te gaar vir die oordeelsdag… Romeine 2: 4 & 5 . Tydens ‘n eksperiment met oplosmiddels in ’n skeikundeklas gee die professor vir die studente ‘n stukkie goud en sê hulle moet dit laat oplos in hulle beskikbare middels. . Die heel nag laat hulle dit lê in die sterkste suur wat hulle beskikbaar het. Daarna kombineer hulle verskillende sure, maar uiteindelik sê hulle vir die professor wat hy graag wou hoor: “Goud is bestand teen al die oplosmiddels wat ons kon formuleer.” . Hy gee hulle ‘n botteltjie met ‘n etiket op, waarop staan Nutromutiatic Acid (Aqua Regia). . Hulle gooi dit op die stukkie goud. Na ‘n rukkie begin die goud in die vloeistof oplos en verdwyn. . Die volgende dag vra hulle professor: “Weet julle hoekom daardie vloeistof genoem word Auqa Regia, Koningswater?” . “Ja,” antwoord hulle, “omdat dit goud, wat alle ander oplosmiddels kan trotseer, se mééster is.” . Die professor is met hulle antwoord tevrede. Hy gaan sit op die kant van die tafel en vervolg: “Dit sal nie skade doen as ek ‘n paar minute van ons klastyd gebruik, om vir julle van ‘n ander stof te vertel, wat net so ondeurdringbaar as goud is nie; dit is ontoeganklik en word nie verander nie al word honderd pogings aangewend. Dit is die sondige hart van die mens. Niks kan die hart van die mens van sy sondige eienskap verander nie. Nie beproewings, armoede, gevangenisstraf, opvoeding nie, as net die reinigende bloed van Christus Jesus, die Verlosser. Die bloed van ons Verlosser, Jesus Christus, is die aqua regia van die siel. Uit Christus se kruisdood en opstanding het ons die groot gawe van ‘n rein en nuwe hart ontvang: “Hy het ons verlos… deur die wedergeboorte wat die sonde afwas, en deur die Heilige Gees wat nuwe lewe gee. God het die Heilige Gees oorvloedig op ons uitgestort deur Jesus Christus ons Verlosser” Titus 2: 5 & 6

#inspiration #nicoliebenberg #scripture #pitkos