Hoenderkaaskoek

Lewer ’n groot kaaskoek (sowat 12 snye)

KORS: 100 g (½ pak) Cream Crackers, fyn gekrummel 100 ml gesmelte botter 2 ml (½ t) droë gemengde kruie 5 ml (1 t) Italiaanse sprinkelkaas-speserye (Ina Paarman)

VULSEL: 30 ml (2 e) botter 1 ui, fyn gekap 30 ml (2 e) koekmeel 180 ml (¾ k) hoenderaftreksel 250 ml (1 k) gerasperde cheddarkaas 5 ml (1 t) mosterdpoeier sout en vars gemaalde swartpeper 250 g krummelmaaskaas 3 eiers, geskei 80 ml (¹∕³ k) room 500 ml (2 k) gaar hoendervleis, gepluis Voorverhit die oond tot 180 °C. Smeer ’n 20cm losboompan.

SO MAAK JY: 1.KORS Meng alles saam en druk vas op die boom van die pan. 2.VULSEL Smelt die botter en braai die ui tot sag. Voeg die meel by en roer tot dit sonder klonte is. 3.Roer die aftreksel geleidelik by en laat kook. Verwyder van die hitte. 4.Roer die kaas en mosterd by en geur met sout en peper. 5.Klits die maaskaas, eiergele en room saam. Voeg by die kaassous. 6.Meng die hoender by. 7.Klits die eierwitte styf en vou in. 8.Skep die vulsel in die kors. Bak 100 minute tot gestol. 9.Laat afkoel en ontvorm op ’n dienbord.

#chicken #cheesecake