Souttertjies

Ek maak hierdie souttertjies gewoonlik vir aandete, maar dis so lekker die volgende dag dat dit die ideale southappie is vir ’n kosblik. Die vulselbestanddele kan afgewissel word met bv. spinasie en fetakaas, of geroosterde groente. Pak ’n souttertjie in saam met ’n lae-GI-rolletjie, ’n paar wortelstokkies en ’n klein vruggie.

(ongeveer 16 Porsies)

• 4 eiers • 250 ml melk, vetvry • 10 ml kanola-olie • 1 ui, gekap • 250 g laevet-spek, gekap • ½ groen soetrissie, gekap • 250 g sampioene, skoongemaak en in skyfies gesny • 100 g ham, gesny • 5 ml aangemaakte mosterd • 30 ml vars gekapte pietersielie • sout en peper • 30 ml meel • 125 ml Tusser’s-kaas, gerasper Verhit oond tot 180 °C. Klits die eiers en melk saam en hou eenkant. Verhit die olie en braai die ui tot deurskynend. Voeg die spek, soetrissie en sampioene by en braai tot gaar. Meng met die ham. Meng die uiemengsel met die eiermengsel, mosterd, pietersielie, sout en peper, en meel. Skep mengsel in ’n standaard-muffinpannetjie wat met kleefwerende kossproei gespuit is. Sprinkel kaas oor en bak ongeveer 35 minute tot gestol.

#mini #quiche #happies