Worsrolletjies met Soet uie

WENK Trek die velletjies van jou gunsteling-varkworsies af as jy nie worsmaalvleis in die hande kan kry nie.

300 g worsmaalvleis ’n klein hand vol vars pietersielie, fyngekap 375 g broskorsdeeg (’n reghoekige vel) 2 e uiemarmelade (gekoop) 1 groot eier, liggies geklop papawersaad vir bo-oor sprinkel

Aanwysings

Plaas die worsmaalvleis in ’n groot bak; roer die pietersielie by. Rol die deeg uit en sny dit in die lengte in vier gelyke stroke. Smeer ’n dun lagie van 1 eetlepel uiemarmelade in die middel van een strook af. Herhaal met die ander strook. Verdeel die worsmengsel in die helfte. Vorm die een helfte in ’n dun silindervorm wat so lank soos die pasteistroke is en plaas dit op een van die marmeladestroke. Herhaal met die oorblywende worsmengsel. Borsel die geklopte eier oor die sigbare deeg rondom die worsrolle, bedek met die oorblywende deegstroke. Druk die kante plat om te verseël en plaas op ’n bakplaat. Verkoel vir 30 minute. Voorverhit die oond tot 200°C. Voer 2 bakplate met kleefwerende bakpapier uit. Borsel albei rolle met eier en sprinkel papawersaad bo-oor. Sny in stukke van 4 cm en rangskik dit op die bakplate. Bak vir 15 minute of tot goudbruin. Bedien warm of by kamertemperatuur.

#sausagerolls #onion #happies