Grenadella Crème Brûlée

Genoeg vir: 10–12 Bereidingstyd: 25 minute Gaarmaaktyd: 1 uur en 10 minute Oondtemperatuur: 160 °C • 1 vanieljepeul • 1 liter room • 6 groot ryp grenadellas • 10 ekstragroot eiergele • 140 g strooisuiker • ekstra suiker vir die kraaglagie 1. Sny die vanieljepeul in die lengte oop en skraap die saadjies uit. 2. Gooi die saadjies en die res van die peul saam met die room in ’n kastrolletjie en verhit dit tot die stoom daaruit trek, maar die room nog nie kook nie. 3. Verwyder die kastrol van die hitte en laat staan om te trek tot dit afgekoel het. 4. Sny die grenadellas oop en skep die pulp uit. Werk dit deur ’n siffie om al die saadjies te verwyder. 5. Voorverhit die oond (180 C). 6. Klits die eiergele en suiker saam tot lig. 7. Giet die room deur ’n sif en klits dit in ’n dun straaltjie by die eiermengsel, gevolg deur die grenadellasap. 8. Skink die vla in 10 tot 12 x 130 ml-bakkies of -koppies in ’n diep oondpan. 9. Vul die pan met kookwater tot die bakkies halflyf in die water staan en bak dit vir 1 uur of tot dit net begin stol. 10. Sit oornag in die yskas. Om voor te sit Sprinkel ’n lagie suiker oor elke nagereggie en brûlèe dit met ’n blaasvlam of onder ’n voorverhitte roosterelement. Heerlik! **Min poedings is so verleidelik lekker as ’n crème brûlée

#grenadella #cremebrulee #pudding