Lekker Bees Kerrie Sosaties

sowat 1,2 kg Beesvleis - in groot blokke gesny (kan ook springbokboud gebruik) 400 g gerookte spek - in blokke gesny 500 g pekeluitjies - gehalveer as hulle taamlik groot is 200 g droë appelkose 100 ml sonneblomolie 2 groot uie - gehalveer en in skywe gesny 15 ml matige kerriepoeier 1 ml borrie 500 ml bruinasyn 30 ml fyn appelkooskonfyt 2 lourierblare 10 ml sout varsgemaalde swartpeper METODE: 1. Plaas vleisblokkies, spek, pekeluitjies en appelkose in 'n groot bak. 2. Verhit olie in 'n pan en braai uieskywe tot sag en deurskynend. 3. Voeg kerriepoeier en borrie by en braai vir sowat 1 minuut. 4. Voeg asyn, konfyt, lourierblare, sout en swartpeper by. 5. Laat die sous vir 10 minute oor lae hitte prut. 6. Haal van hitte af en laat afkoel. 7. Gooi oor vleis, uitjies en appelkose. 8. Maak die bak toe met kleefplastiek en laat oornag in die yskas marineer. 9. Jy kan dit vir so 2 - 3 dae marineer, maar oornag is goed genoeg. 10. Jy kan metaal of hout sosatiestokkies gebruik. As jy houtstokkies gebruik, laat hulle eers oornag in water lê. Dit keer dat hulle brand. 11. Ryg nou jou sosaties - eers 'n stukkie bees/springbok, dan spek, dan 'n appelkoos en dan 'n pekelui, herhaal. 12. Plaas die sosaties terug in die marinade totdat jy gereed is om hulle te braai. **Wanneer jy jou sosaties oor lekker warm kole braai, smeer elke keer met die omdraaislag 'n bietjie van die marinade oor

#beef #sosaties #braai