Steak op die kole

Genoeg vir 4 steaks

Olie dit

Spek-en-knoffel-olie

• 500 g repiesspek • 2 knoffelhuisies, fyn gekap

1 Verhit ’n swaarboompan oor lae hitte. 2 Braai die spek ’n klompie op ’n slag tot al die vet uitgebraai is en die spek krakerig is. Haal uit. 3 Voeg die knoffel by die olie en braai vir 2 min. daar in. 4 Kap die helfte van die spek ruweg (eet die res) en voeg weer by die olie. 5 Laat afkoel en marineer die vleis vir 1 uur in die olie. 6 Braai die steak oor warm kole en verf deurentyd met die spekolie. 7 Geur met sout en gemaalde swartpeper.

Vryf dit in

Koffieboonsout

• 60 ml (¼ k) koffiebone, fyn gemaal • 60 ml (¼ k) bruinsuiker • 20 ml paprika • 30 ml (2 e) seesoutvlokkies • gerasperde skil van 1 suurlemoen

1 Meng alles en vryf in die steak in voor jy braai.

Smeer dit

Whiskysmeer

• 30 ml (2 e) melasse • 45 ml (3 e) whisky • 10 ml (2 t) gerookte paprika (te kry by supermarkte of spesialiteitsdeli’s) • 30 ml (2 e) tamatiepuree • 60 ml (¼ k) tamatiesous • 30 ml (2 e) suurlemoensap

1 Meng alles en verf oor die steak terwyl jy braai.

Doen die salsa

Chimichurri-sous

• 250 ml kersietamaties, fyn gekap • 1 rooi-ui, fyn gekap • 3 knoffelhuisies, fyn gekap • handjie vol pietersielie, fyn gekap • 5 ml (1 t) gedroogde orego • 5 ml (1 t) rooipeper • 5 ml (1 t) paprika • 5 ml (1 t) komyn • 1 lourierblaar, fyn gekap • 80 ml (? k) olyfolie • 60 ml (¼ k) rooiwynasyn

1 Meng alles en sit met die steak voor.

#steak #braai