GESMOORDE KOOLROLLETJIES
- Rooi Rose
- Mar 5, 2016
- 1 min read
n Resep vir gesmoorde koolrolletjies, kom uit ‘n ou Rooi Rose bylae van 1981, onder die opskrif “Uit grootjie se groentetuin”. Daar staan dat die resep afkomstig is uit ‘n resepteboek van 1916 – destyds ‘n gewilde Kaapse lekkerny.
BENODIG: 1 middelslag kool 500g maalvleis (bees of gemeng met vark /skaap en ek verkies dat dit nie te maer moet wees) 1 dik sny witbrood Sout en peper na smaak 1 heel neut gerasper (*Ek verkies gewoonlik effens minder neut as die oorspronklike resep en voeg graag 1t fyn koljander by) 1 middelslag ui 200ml koue water 1Etl droë broodkrummels 2 foelieblare, fyngestamp Sap van 1 suurlemoen 1 Etl botter
MAAK SO: Plaas kool in diep kastrol en gooi genoeg kookwater oor om te bedek. Plaas eenkant tot afgekoel. Dreineer. Meng maalvleis, brood wat geweek en al die water weer uitgedruk is, sout en peper en neut (koljander as verkies). Plaas uieskywe en koue water in diep pan en verhit tot kookpunt (Ek verkies om die uie in ‘n bietjie botter te braai, maar nou ja, jy maak soos dit lekker is). Breek koolblare een vir een af en plaas ongeveer 15ml van maalvleismengsel daarin en draai toe. Steek vas met tandestokkies. Plaas die koolbondeltjies bo-op uie in pan. Sprinkel broodkrummels en foelie oor, sit deksel op pan en prut vir ongeveer 1 uur. Voeg suurlemoensap en botter 5 minute voor einde van kooktyd by. Bedien saam met rys en blatjang.
Comentários